21/11/16

Principi de setmana inestable en Aran (21/11).

Aué deluns 21 de noveme auram ua jornada embromada tamb precipitacions fèbles pendent eth maitin e puntuauments moderades pendent era tarde; pera net anaràn desapareishent. Còta de nhèu entre es 2200 e es 2600 m. Vents moderadi de sud damb quauques bohades fòrtes enes cims.
Temperatures nautes entara epòca (9°/16°).

Eth dimars seguiram tamb bromes abundantes. Precipitacions moderades, puntuauments intenses, pendent era tarde e net. Còta de Nhèu entre es 1900 e es 2200 m. Vents damb quauques bohades moderades en nautada.
Temperatures en descenuda (5°/10°).

Eth dimèrcles contunharàn es cèus majoritàriaments caperadi encara que se dauriràn quauqui clari. Precipitacions intermitentes entre fèbles e moderades. Còta de nhèu ath torn des 2000 m.
Es temperatures seguiràn en leugèra descenuda (3°/9°).

Era prediccion d'aguesti dies presente un naut grad d'incertitud, damb çò que vos aconselham de seguir es pròplèus bulletins.