Assolelhat comiat deth 2016

Aué dissabte 31 de deseme, tornarà a èster d'auta jornada esplendidaments assolelhada.
Inversion termica pendent era net, qu'a provocat qu'es temperatures en hons de Val siguen mès heiredes qu'enes vessants, en tot arribar as -3°C en Les. Per contra, en Sasseuva a 2.228 m, s'a pas baishat de 0°C.
Es temperatures diürnes seràn leugèraments peth dessús dera mieja d'aguesta epòca (-1°/9° en còta 1.000 m) (0°/3° en còta 1.800 m).

Eth dimenge prumèr d'an seguiram damb cèus totauments sereni e temperatures minimes en leugèra descenuda, que serà mès acusada en nautada (-2°/8°).

Eth deluns arribarà un leugèr cambi de temps que provocarà nivolositat abondiua e vents doci de compausant sud.
Temperatures minimes en leugèr ascens (0°/9°).

Eth dimars dia 3 seguiram damb nivolositat abondiua encara que pas se demoren precipitacions.