12/1/17

Dijaus de transicion.

Aué dijaus 12 de gèr, auram un maitin pro assolelhat tamb quauqui intervaus de bromes a prumères ores. Pera tarde aumentarà era nivolositat e ja de net se produsiràn es prumères precipitacions; còta de nhèu iniciau ath torn des 1900 m en tot descéner rapidaments pendent era maitiada a totes es còtes. Vents fòrts damb bohades fòrça fòrtes de noroest a compdar dera miejanet. Notable ascens de temperatures diürnes (0°/11°). Eth diuendres serà fòrça embromat tamb precipitacions de nhèu fèbla, puntuauments moderades, en totes es còtes qu'anaràn desapareishent pera tarde. Acumulacions d'entre 15 a 20 cm en còta 1.800 de Baqueira. Vents fòrti de noroest tamb quauques bohades fòrça fòrtes. Temperatures en descenuda ath long dera jornada (5°C de maitiada, 2°C pera tarde, -1°C pera net). Eth dissabte seguiram damb nivolositat abondiua e precipitacions qu'en principi serien fèbles e de nhèu en totes es còtes. Vents moderadi de compausants noroest damb quauques bohades fòrtes. Temperatures negatiues pendent tota era jornada (-3°/0°). Avisi actius deth SMC e dera AEMET per vent e nhèu entath diuendres. Se vatz a gésser tara montanha, vos arrebrembam que podetz veir es condicions dera nhèu e eth perilh de lauegi ena pagina deth Centre de Lauegi d'Aran.