Jornada embromada e tamb ascens de temperatures.

Aué dimèrcles 11 de gèr, serà ua jornada fòrça embromada, tamb quauques precipitacions fèbles, sustot peth maitin. Còta de nhèu sus es 1.400 m, en tot pujar cap as 1.800 m ath meddia. Pera net se dauriràn quauqui clari. Vents doci de noroest. Temperatures en leugèr ascens (0°/6° en còta 1.000 m) (-7°/0° en còta 2.000 m). Eth dijaus serà pro assolelhat damb quauqui intervaus de bromes, mès frequents a darrères ores. Pera net se poderien produsir quauques precipitacions damb còta de nhèu ath torn des 1.800 m. Temperatures en notable ascens principauments es diürnes (0°/10°). Eth diuendres tornaram a auer ua jornada iuernau damb precipitacions en principi fèbles, puntuauments moderades, pendent eth maitin e enquia prumères ores dera tarde. Còta de nhèu en tot descéner cap as 600 m. Vents fòrts de compausant nòrd. Temperatures en descenuda a mesura qu'auance era jornada (4°C pendent era maitiada. 0° pera tarde. -2° pera net).