15/1/17

Nheuada fòrça intensa ena Val d'Aran

Mos demoren dues jornades tamb nheuades intenses que deisharàn mès d'un mètro de nhèu en còta 2.500. Recomanam maximala precaucion pendent tota era jornada, sustot a compdar deth ser e pendent era maitiada e eth maitin deth deluns.

Aué dimenge 15 de gèr, serà ua jornada embromada tamb nheuades moderades pendent eth maitin, intensificanse pera tarde e fòrça intenses pera net. Era nhèu afectarà en tota era val encara qu'a darrères ores era còta pujarà a 800 m. Acumulacions de 45 a 55 cm peth dessús de còta 2.000 e de 30 a 40 cm en Bagergue 1.419 m. Vents fòrts damb bohades fòrça fòrtes de compausanta noroeste que produsiràn torberes.
Temperatures heiredes encara qu'en leugèr ascens ath long dera jornada (0°/3° hons de val) (-9°/-7° en còta 2.000).

Eth deluns pendent era maitiada seguiràn es precipitacions fòrça intenses damb còta de nhèu ath torn des 1.000 m. Es nheuades anaràn amendrin pendent eth maitin e quasi en tot desaparéisher pera tarde e net. Acumulacions de mès de 50 cm peth dessús de còta 2.000 e mai de 35 en còta 1.400.
Vents fòrça fòrts de compausant noroest tamb torbeg.
Temperatures peth dessús deth punt de congelacion pendent era maitiada en tot descéner pendent era jornada (3°/-3° en hons de val).

Eth dimars encara demoraràn quauques bromes baishes que s'alternaràn tamb clari; se pòt produsir quauqua fòrça fèbla precipitacion qué serie de nhèu en totes es còtes. Vents fòrts de compausant nòrd.
Irrupcion dera massa d'aire heired continentau que provocarà temperatures fòrça heiredes (-5°/-3°).