Seguissen es nheuades ena Val d'Aran.

Es nheuades dera jornada d'ager, an deishat important celhs de nhèu ena Vall d'Aran, ath torn d'uns 60 centimètres en còta 2.000 e uns 35 cm en còta 1.000. Tamb era pujada de temperatures des darrères ores comence a quèir era nhèu des tets, sustot eth hons de val vos demanam fòrça precaución. Tanben èster atenti as bulletins deth Centre de Prediccion de Lauegi.

Pendent era jornada d'aué deluns 16 de gèr, contunharàn es precipitacions entre moderades e intenses pendent eth maitin damb còta de nhèu ath torn des 1000 m. A compdar de meddia s'afebliràn es nheuades e era còta descenerà cap as 800 m. 
Acumulacions d'entre 35 cm a 45 cm en Baquiera 2500.

Vents fòrti tamb quauqua bohada fòrça fòrta de compausanta nòrd e noroest.
Temperatures qu'an anat pujant pendent era maitiada e que se mantieràn estables pendent tota era jornada, en tot descéner a darrères ores(1°/4° en hons de val) (-8°/-4° en còta 2.000).

Eth dimars auram quauques brumes que se alternaràn tamb solei, sustot cap ath meddia. Se poderie produsir quauqua fèbla precipitacion que serie de nhèu en totes es còtes. Vents moderadi de compausant nòrd damb quauqua seguida fòrta.
Fòrt descens des temperatures (-5°/-3° en hons de val) (-17°/-14° en còta 2.000).

Eth dimèrcles serà assolelhat. Temperatures fòrça heiredes en tot provocar que sigue era net mès heireda der iuèrn (-10°/-2°).