Temperatures heiredes e inestabilitat en nautada.

Aué dimèrcles 25 de gèr, auram un dia pro assolelhat, encara que pera tarde e net, a causa dera inestabilitat en nautada, se desvoloparàn quauqui bromalhs baishi, que poderien provocar quauqua fèbla precipitacion que serie de nhèu en totes es còtes.
Temperatures fòrça heiredes sustot en hons de val (-8°/3°).

Eth dijaus serà assolelhat damb un shinhau de nivolositat a darrères ores.
Temperatures nocturnes heiredes; diürnes en leugèra recuperacion (-8°/7°).

Eth diuendres auram ua tipica situacion de sud,  era jornada serà pro embomada tamb possibilitat de quauqua precipitacion fèbla, qu'a darrères ores poderie èster moderada. Còta de nhèu entre es 1.300 e 1.500 m.
Temperatures en notable ascens (0°/10°).

Vos deisham damb ua imatge dera temperatura e geopotencial a 500 hPa previst entàs 6 dera tarde. Podetz veir qu'eth nuclèu se centre ena zòna deth nòrd d'Andòrra.