Dijaus fòrça embromat e un shinhau inestable

Aué dijaus 2 de gèr, auram ua jornada damb bromes nautes e quauqui clari a prumères ores. A compdar de miei maitin aumentarà era nivolositat. Pendent era tarde e net se pòden produsir quauques precipitacions fèbles, puntuauments moderades, damb còta de nhèu sus es 1800 m. Vents fòrti de suroest e cogant tamb quauques bohades fòrça fòrtes en nautada, pendent eth maitin. 
Temperatures nautes entara epòca, sustot es minimes (6°/14°).

Eth diuendres serà embromat tamb quauques precipitacions entre fèbles e moderades pera tarde e net tamb còta de nhèu ath torn des 1500 m.
Vents fòrti de suroest tamb bohades fòrça fòrtes enes cims a prumères e darrères ores.
Temperatures en leugèra descenuda (2°/12°).

Eth dissabte contunharam tamb nivolositat abondiua e quauqui clari ath torn de meddia. Se pòden produsir quauques precipitacions pendent era maitiada e pera tarde damb còta de nhèu ath torn des 1800 m.
Temperatures en leugèra pujada (4°/14°).

Aguesta tarde vos aufriram er auanç de prevision entara dimenjada complèta.
A causa der aument de temperatures d'aguesti dies, ei convenent consultar eth Bulletin de perilh de lauegi deth Centre de Lauegi deth Conselh Generau d'Aran.