Dissabte embromat e tamb quauques precipitacions. Dimenge tarde: nheuades.

Aué dissabte 4 de hereuèr auram ua jornada embromada, encara que se pòden daurir quauqui clari esporadics. Precipitacions intermitentes, en principi fèbles, encara qu'en quauqui moments poderien èster moderades. Còta de nhèu en tot oscillar entre es 1.800 e 2.000 m. Acumulacions de 5 a 10 cm en còta 2500.
Vents moderadi de compausant suroest tamb quauques bohades fòrtes en zònes nautes.
Temperatures doces entara epòca (4°C/11°C en hons de val). (-4°C/1°C en còta 2.000).

Eth dimenge contunharam damb nivolositat abondiua. Precipitacions moderades, puntuauments intenses. Còta de nhèu enes 1300 m pendent era maitiada; en tot descéner pendent eth maitin cap as 900 m e a totes es còtes dera Val pendent era tarde. Acumulacions que poderien superar es 30 cm en còtes nautes.
Pera tarde, vents fòrti de compausant noroest tamb quauques bohades fòrça fòrtes.
Temperatures en descenuda (2°/8° en hons de val). (-7°/-3° en còta 2.000).

Eth deluns serà embromat encara que se dauriràn quauqui clari a mesura qu'auance era jornada. Nheuades en totes es còtes, moderades pendent era maitiada e fòrça fèbles pendent eth dia.
Temperatura similar ara jornada anteriora (1°/8° en hons de val). (-6/-1 en còta 2.000).

Atenti a pròplèus bulletins a on actualizaram era prediccion entara nheuada de deman dimenge.