13/2/17

Maitin un shinhau assolelhat, tarde embromada e precipitacions a darrères ores.

Aué deluns 13 de hereuèr auram un maitin damb solei entelat per bromes nautes, non s'escarte quauqua anecdotica precipitacion acompanhada de hanga. A compdar de meddia aumentarà era nivolositat e a darrères ores dera tarde e pendent era net auram precipitacions fèbles, puntuauments moderades. Còta de nhèu sus es 1800 m. Acumulacions d'entre 10 a 15 cm en còtes nautes.
Vents de sud-èst, fòrti pendent eth maitin e aluishant pera tarde
Temperatures primaveraus (7°/14°).

Eth dimars pendent era maitiada e eth maitin serà embromat tamb quauques precipitacions que desapareisheràn pendent eth maitin. Còta de nhèu sus es 1800 m. A compdar de meddia se dauriràn clari. Vents doci de compausant sud.
Temperatures doces, encara que un shinhau mès fresques qu'era jornada anteriora (5°/12°).

Eth dimèrcles serà pro assolelhat e tamb ascens des temperatures diürnes (5°/15°).