Cambi de temps en Aran.

Aué dimars 21 de març auram un maitin tamb nivolositat abondiua e quauqui clari. Pera tarde aumentarà era nivolositat e se produsiràn quauques precipitacions fèbles damb còta de nhèu ath torn des 1600 m. Vents doci de direccion variabla damb quauqua bohada moderada.
Temperatures diürnes en descenuda (4ºC/13ºC en hons de val; 1°C/4ºC en còta 2.000).

Eth dimèrcles serà embromat encara que damb quauqui clari pendent era jornada. A darrères ores se produsiràn quauques precipitacions entre fèbles e moderades que persistiràn pendent era maitiada, còta de nhèu sus es 1200 m. Vents moderadi de direccion variabla.
Temperatura similara ara jornada anteriora encara que damb leugèra descenuda des minimes (2°C/14ºC en hons de val; -1ºC/2°C en còta 2.000).

Eth dijaus auram nivolositat abondiua damb precipitacions moderades e puntuauments intenses, sustot pendent eth maitin. Còta de nhèu ath torn des 1000 m. 
Temperatures en descenuda (0ºC/9ºC en hons de val; -4ºC/-2ºC en còta 2000).