Dimars embromat e tamb quauques nheuades en còtes nautes.

Aué dimars 7 de març serà un dia embromat tamb quauques precipitacions, fèbles pendent eth maitin e puntuauments moderades pendent era tarde e net. Còta de nhèu enes 1300 m a prumères ores en tot pujar enquia plaçar-se enes 2000 m ath long deth maitin e era rèsta dera jornada. Acumulacions de 10 a 15 cm en còtes nautes. Vents de direccion nord-oèst que seràn fòrti en zònes nautes e exposades.
Temperatures que demoraràn un shinhau mès cuertes qu'en jornades anteriores (3°/11° en hons de val).

Eth dimèrcles, pendent era maitiada, contunharàn es cèus caperadi e es precipitacions fèbles. Peth maitin se dauriràn clari que mos deisharàn un rèste de jornada assolelhada.
Temperatures en ascens (5°/16°).

Eth dijaus serà assolelhat damb quauqui bromalhs nauti e damb temperatures diürnes de primauera (4°/19°).