Dimenge embromat e tamb quauques marçolades.

Aué dimenge 5 de març, auram ua jornada embromada tamb quauqui clari a darrères ores. Marçolades pendent eth maitin damb còta de nhèu enes 1000 m a prumères ores, pujant as 1800 m pendent eth maitin; acumulacions d'entre 5 e 10 centimètres en còtes nautes. Vents moderadi der oèst pera tarde.
Temperatures normaus entara epòca (0º/9º en hons de val; -7º/0º en còta 2.000).

Eth deluns se alternaràn bromaes e clari tamb possibilitat de quauqua fèbla precipitacion pendent eth maitin, que serie de nhèu peth dessús des 1900 m. Vents fòrti deth compausant nord-oèst tamb quauques bohades fòrça fòrtes.
Temperatures en leugèr ascens (3º/11º en hons de val; -6º/1º en còta 2.000).

Eth dimars peth maitin serà pro assolelhat tamb quauques brumes escampilhes; pera tarde aumentacion dera nivolositat tamb quauques precipitacions fòrça fèbles e còta de nhèu ath torn des 2.000 m. Vents fòrti de direccion nòrd e nord-oèst.
Temperatures similares ara jornada anteriora (2º/9º en hons de val; -6º/1º en còta 2.000).