Meteoaran non ei pas un servici oficiau e pas ei restacat a cap administracion publica

4/3/17

Dimenjada entà gaudir der iuèrn en Aran

Era nheuada d'aguesta net mos a deishat der orde de 25 cm en còtes peth dessús des 2200 m.

Aué dissabte 4 de març, auram ua jornada embromada, tamb quauqui clari pendent eth maitin e un shinhau mès destacables pera tarde. Precipitacions fèbles que fòrça puntuauments poderien èster moderades. Còta de nhèu entre es 700 e es 1000 m. Acumulacions d'uns 10 cm en còtes nautes. Vents doci de compausant nòrd.
Temperatures heiredes, encara qu'abituaus entara epòca (0°/6° en hons de val, -7°/-3° en còta 2.000).

Eth dimenge seguiram damb cèus majoritàriaments caperadi encara que damb quauqui clari. Ath torn de meddia se poderie produsir quauqua precipitacion fèbla damb còta de nhèu sus es 1800 m que poderien deishar uns 10 cm en Cap de Vaquèira.
Temperatures diürnes en leugèr ascens (0°/9° en hons de val, -3°/0° en còta 2.000).

Eth deluns seguiram damb bromes, encara que tamb mès clari qu'enes jornades anteriores. Se pòt produsir quauqua fèbla precipitacion pendent eth maitin tamb còta de nhèu sus es 1900 m.
Vents moderadi damb quauques bohades fòrtes de compausanta nord-oèst.
Temperatures en ascens (4°/11° en hons de val, -4°/2° en còta 2.000).