Dimenjada un shinhau variable en Aran.

Eth diuendres 31 de març, auram ua jornada tamb alternancia de bromes e clari. Pera tarde se dauriràn quauqui clari mès, encara que se desvoloparàn bromes d'evolucion que poderien provocar es prumères tronades d'enguan. Pera net e maitiada se produsiràn precipitacions moderades damb còta de nhèu iniciau enes 2000 m en tot descéner pendent era maitiada as 1400 m. Acumulacions d'entre 15 a 20 cm en còtes nautes. Vents fèbles de sud-oèst tamb quauqua bohada fòrta pera tarde.
Temperatures doces encara que un shinhau mès baishes qu'en jornades anteriores (8ºC/18ºC en hons de val; 1°C/7ºC en còta 2000).

Eth dissabte 1 d'abriu serà embromat encara que pera tarde se dauriràn quauqui clari que seràn mès frequents pera net. Pendent eth maitin e prumères ores dera tarde se poderien produsir quauques precipitacions fèbles e intermitentes damb còta de nhèu ath torn des 1400 m en tot descéner puntuauments as 1.200 m. Vents moderadi deth nord-oèst tamb quauques bohades fòrtes entorn a meddia.
Temperatures en descenuda (4ºC/11°C en hons de val; -3ºC/0°C en còta 2000).

Eth dimenge 2 d'abriu s'alternaràn clari tamb brumes baishes e se poderie produsir quauqua precipitacion fèbla damb còta de nhèu ath torn des 1.500 m. Vents doci deth nòrd damb quauques bohades moderades.
Temperatures fresques (2°C/12ºC en hons de val; -4ºC/1ºC en còta 2000).