Dissabte damb quauques nheuades; dimenge entà gaudir dera Val d'Aran

Es nheuades d'ager pera net e aguesta maitiada an deishat 27 cm en Bagergue, 21 cm en Arties e 8 cm en Vielha.

Aué dissabte 25 de març auram un maitin tamb nivolositat abondiua e quauques precipitacions entre fèbles e moderades. Còta de nhèu ath torn des 1000 m. Acumulacions de 10 a 15 cm en còtes nautes e uns 5 cm en còta 1.100. Pera tarde se dauriràn clari e poderien produsir-se quauques precipitacions fòrça fèbles.
Vents fòrts de direccion sud tamb quauques bohades fòrça fòrtes en torn ath meddia e prumères ores dera tarde.
Temperatures heiredes (0ºC/10ºC en hons de val; -5°C/-3ºC en còta 2000).

Eth dimenge poderie èster ua des melhores jornades de ski dera sason. Peth maitin s'alternaràn clari damb quauqui intervaus de bromes; era rèsta dera jornada serà pro assolelhat encara que tamb quauques bromaes escampilhades. Vents moderadi deth sud damb quauqua bohada fòrta de maitiada.
Temperatures en ascens (3ºC/15ºC en hons de val; -3ºC/0ºC en còta 2000).

Eth deluns serà embromat encara que se dauriràn quauqui clari pendent era jornada. Vents moderadi deth sud tamb quauques bohades fòrtes pendent eth maitin.
Temperatura similara ara jornada anteriora (3ºC/15ºC en hons de val; -3ºC/0ºC en còta 2000).