Dijaus heired e tamb nheuades fèbles.

Es nheuades des darrères ores mos tornen a deishar un païsatge iuernau tamb acumulacions de mès de 20 cm peth dessús de còta 2.200.

Aué dijaus 27 d'abriu auram ua jornada pro embromada, a darrères ores se dauriràn clari. Precipitacions fèbles que seràn en forma de nhèu peth dessús de còta 700. Vents moderadi deth nòrd sustot pendent era tarde.
Temperatures iuernaus (-1ºC/6°C).

Eth diuendres serà assolelhat damb quauques bromes escampilhades pera tarde-net. Vents fèbles de direccion nòrd.
Temperatures nocturnes heiredes; diürnes en leugèr ascens (-1ºC/12ºC).

Eth dissabte pendent eth maitin auram cèus sereni; pera tarde aumentarà era nivolositat e se poderie produsir quauqua precipitacion fèbla. Vents moderadi de direccion sud-oèst. 
Temperatures minimes encara heiredes; diürnes agradables (0ºC/19ºC).