14/4/17

Diuendres primauerau e dimenjada un shinhau mès fresca

Aué diuendres 14 d'Abriu, auram un maitin pro assolelhat encara que tamb quauques bromes nautes a prumères ores. Pera tarde se desvoloparàn bromalhs d'evolucion tamb probabilitat baisha de tronada. Vents de nòrd fèbles pendent eth maitin e tamb quauqua bohada moderada a compdar de meddia.
Temperatures un shinhau nautes entara epòca (5ºC/21ºC en hons de val; 4°C/10ºC en còta 2000).

Eth dissabte 15 d'Abriu s'alternaràn clari e brumes qu'en quauqui moments poderien corbir totauments eth cèu e poderien provocar quauque plojat fèble.
Descenuda de temperatures que seràn es normaus entà miei abriu (5ºC/16°C en hons de val; 3ºC/5°C en còta 2000).

Eth dimenge 16 d'abriu serà ua jornada pro assolelhada encara que tamb quauques bromes escampilhades a prumères e darrères ores.
Temperatures en leugèr ascens (4°C/18ºC en hons de val; 1ºC/8ºC en còta 2000).