Jornades quasi iuernaus.

Aué dimèrcles 26 d'abriu, serà ua jornada fòrça embromada tamb precipitacions intermitentes qu'en principi seràn fèbles, encara qu'en quauqui moments poderien èster moderades. Còta de nhèu enes 1800 m pendent eth maitin en tot descéner cap as 900 m pera tarde e as 700 m pera net. Acumulacions d'uns 25 cm en còtes nautes. En hons de val non s'ampararà era nhèu. Vents de nòrd tamb quauqua bohada moderada a darrères ores.
Temperatures heiredes entara epòca sustot es maximales (4ºC/10ºC).

Eth dijaus seguiram damb nivolositat abondiua e precipitacions fèbles e intermitentes tamb còta de nhèu en tot oscillar entre es 700 m e es 900 m. Acumulacions d'entre 5 a 10 cm en còtes nautes. Vents moderadi de nòrd damb quauques bohades fòrtes.
Temperatures quasi iuernaus (-1ºC/9ºC).

Eth diuendres serà un dia esplendidaments assolelhat tamb vents fèbles de nord-oèst.
Es temperatures contunharàn heiredes (-1ºC/12°C).