21/6/17

Dus dies mès de canicula ena Val d'Aran.

Eth dimèrcles 21 de junh serà ua jornada assolelhada damb quauques bromes nautes e primes pendent eth maitin; a compdar de miei maitin se començaràn a formar bromes d'evolucion que passat eth meddia e pendent era tarde poderien produsir quauques tempèstes que localaments poderie èster intenses.
Temperatures fòrça nautes encara que tamb leugèra descenuda pera tarde a causa des tempèstes (15ºC/31°C).

Eth dijaus 22 dominaràn es cèus sereni encara que pera tarde se poderien formar quauqui bromalhs convectius tamb probabilitat mieja de tempèsta.
Temperatures en tot tocar tet (17ºC/32°C) ena zòna de Les e Bossòst poderien èster un shinhau mès nautes.

Eth diuendres 23, Net de Sant Joan, seguiram tamb solei e quauques bromes nautes pendent eth maitin, pera tarde se tornaràn a formar bromes convectiues tamb probabilitat baisha de tempèsta; a darrères ores se formaràn bancs de brumes.
Es temperatures diürnes seràn un shinhau mès portadères (19ºC/27°C).