Dijaus 28 fòrça embromat. Mès solei a compdar deth 29.

Aué dijaus 28 de deseme, serà ua jornada fòrça embromada, encara que peth maitin se pòden daurir quauqui clari esporadics e de cuerta durada. Precipitacions fèbles pendent eth maitin que serien de nhèu en totes es còtes. Pera tarde es nheuades seràn moderades damb ascens dera còta de nhèu qu'oscillarà ath torn des 1000 m tamb acumulacions de 15 a 20 cm en Cap de Baquiera.
Vents moderadi en tot oscillar de direccion, encara que de vector principau nòrd-oest.
Temperatures heiredes sustot en zònes nautes (-1°/5° en hons de Val; -8°/-4° en còta 2.000).

Eth diuendres 29 auram un maitin tamb alternancia de bromes e clari. Pera tarde s'imposaràn es cèus sereni encara que demoraràn quauques bromes baishes. Se pòt produsir quauqua fèbla precipitacion en torn a meddia tamb còta de nhèu cap as 1300 m.
Vents moderadi de direccion nòrd-oest.
Temperatures en ascens (1°/10° en hons de val; -7°/0° en còta 2.000).

Eth dissabte 30 serà pro assolelhat tamb bères bromes nautes e quauqui intervaus de bromes baishes escampilhades. Vents fèbles deth nòrd.
Es temperatures seràn doces entara epòca (4°/14° en hons de val; -2°/2° en còta 2.000).

Es nheuades dera jornada d'ager mos deishèren 15 cm en Vielha e 41 cm ena estacion de Comalada, Beret (2.071 m)