Jornada d'iuèrn ena Val d'Aran

Aué dimèrcles 27 de deseme, serà ua jornada embromada tamb precipitacions moderades a compdar de miei maitin e que pendent era tarde poderien èster puntuauments intenses. Còta de nhèu enes 800 m pendent eth maitin en tot descéner a totes es còtes pera tarde. Acumulacions de 30 a 40 cm en còtes nautes e de 10 a 15 cm en còta 1.000. 
Vents fòrti de direccion nòrd-oest tamb bohades fòrça fòrtes, sustot en zònes nautes.
Temperatures heiredes, principauments en nautada, en tot agravar-se era sensacion de heired a causa dera accion der aire (1°/5° en hons de Val; -7°/-4° en còta 2.000).

Eth dijaus 28 seguiràn es cèus corbidi, encara qu'entre miei dia e prumères ores dera tarde se dauriràn quauqui clari. Precipitacions fèbles qu'a darrères ores poderien èster moderades. Còta de nhèu enes 500 m pendent eth maitin pujant as 1000 m pera tarde. Acumulacions de 10 a 15 cm en Vaquèira 2500. Vents moderadi deth nòrdo-est.
Temperatures similares ara jornada anteriora (0°/5° en hons de Val; -8°/-4° en còta 2.000).

Eth diuendres 29 se'alternaràn bromes e clari. Se poderie produsir quauqua fèbla precipitacion, principauments, ath torn de meddia e prumères ores dera tarde. Còta de nhèu enes 1000 m pendent eth maitin pujant as 1700 m pera tarde. Vents fòrti deth nòrd-oest a compdar de meddia.
Temperatures sense massa cambis, encara que tamb ascens des maximales enes zònes baishes(2°/9° en hons de Val; -9°/-4° en còta 2.000).

Vos arrebrembam qu'aué auetz d'extremar es precaucions enes vòstes activitats ar aire liure e se vatz a gésser ara carretèra. I a avisi actius per vent e nhèu. Pas desbrembetz amiar er equipament de besonh tant en montanha coma en coche.