25/12/17

Nadau assolelhat e nheuades eth dimèrcles 27

Aué deluns 25 de deseme, auram ua jornada assolelhada damb vents fèbles de direccion sud-oest.
Temperatures minimes heiredes, damb leugèra inversion termica, a prumères ores; temperatures doces pendent era jornada (-1°/14° en hons de Val; 0°/2° en còta 2.000).

Eth dimars serà embromat, encara que damb quauqui intervaus assolelhadi. Se pòt produsir bèra fèbla precipitacion damb còta de nhèu entre es 1600 m e es 1400 m.
Temperatures maximales en descenuda (2°/8° en hons de Val; -4°/0° en còta 2.000).

Eth dimèrcles serà ua jornada embromada tdamb precipitacions fèbles pendent era maitiada. A compdar de prumères ores es nheuades seràn entre moderades e intenses. Còta de nhèu enes 1.100 m pendent era maitiada en tot descéner a totes es còtes a pendent eth maitin. Acumulacions que poderien superar es 40 cm en còtes nautes e es 15 cm en còta 1.000. Vents deth sud-oest pendent era maitiada; en tot cambiar a nòrd-oest e refortilhanse a prumères ores e que contunharàn en tot èster fòrti eth rèste dera jornada.
Temperatures en descenuda ath long dera jornada (0°/4° en hons de Val; -7°-4° en còta 2.000).

Vos demanam precaucion se vatz a viatjar eth dimèrcles 27: pas desbrembetz amiar cadees e eth dipòsit plen.