Nadau assolelhat ena Val d'Aran.

Eth dimenge 24 de deseme, serà ua jornada assolelhada, encara que  quauques bromes nautes pendent era tarde e prumères ores dera net.
Notable contrast termic, tamb temperatures minimes heiredes e maximales doces (-1°/14° en hons de Val; 0°/4° en còta 2.000).

Eth deluns 25 seguiràn es cèus sereni. Vents fèbles de direccion sud-oest damb quauques bohades moderades.
Es temperatures diürnes contunharàn en tot èster doces entara epòca (0°/14° en hons de Val; -2°/3° en còta 2.000).

Eth dimars 26 s'alternaran bromes e clari encara qu'era nivolositat aumentarà a mesura qu'auance era jornada. A darrères ores se poderie produsir quauqua fèbla precipitacion.
Temperatures maximales en descenuda (1°/9° en hons de Val; -4°/-2° en còta 2.000).

Semble que se confirme eth cambi de temps entath dia 27 de deseme, vos informaram en pròplèus bulletins.