11/1/18

Dijaus un shinhau embromat, diuendres assolelhat

Aué dijaus 11 de gèr, auram un maitin damb nivolositat abondiua, encara que se dauriràn quauqui clari; se pòt produsir bèra precipitacion fòrça fèbla damb còta de nhèu sus es 600 m. Pera tarde se dauriràn clari e pera net desapareisherà era nivolositat. 
Vents fèbles deth nòrd damb quauqua bohada moderada.
Temperatures normaus entara epòca (0°/7° en Vielha; -7°/-4° en còta mieja).

Eth diuendres 12, serà assolelhat damb bèra br0ma isolada pendent eth maitin. Vents fèbles deth nòrd.
Temperatures nocturnes en descenuda respecte ara jornada anteriora (-3°/7° en hons de Val; -9°/-4° en còta 2.000).

Eth dissabte 13, auram un maitin damb alternancia de bromes e clari. Pera tarde era nivolositat aumentarà. Vents doci de direccion sud.
Temperatures en leugèr ascens (-2°/10° en hons de Val; -6°/-1° en còta 2.000).