Dimars assolelhat ena Val d'Aran

Aué dimars 9 de gèr, serà ua jornada assolelhada tamb quauqui intervaus de bromes nautes. Pera net aumentarà era nivolositat. Vents fèbles deth sud-oest.
Temperatures abituaus entara epòca (-1°/11° en hons de Val; -6°/-1° en còta 2.000).

Eth dimèrcles auram un dia pro caperat , encara que tamb quauqui intervaus assolelhadi. Seràn possibles bères precipitacions fèbles e intermitentes. Còta de nhèu sus es 1500 m pendent eth maitin en tot baishar cap as 700 m pera net.
Temperatures similares (1°/11° en hons de Val; -5°/-1° en còta 2.000).

Eth dijaus contunharam tamb nivolositat abondiua e quauqui clari esporadics. Precipitacions fèbles que puntuauments poderien èster moderades e que serien de nhèu peth dessús de còta 600. Vents doci deth nòrd-oest.
Temperatures maximales en leugèra descenuda (1°/7° en hons de Val; -7°/-3° en còta 2.000).