Dimenjada embromada e tamb quauques nheuades en còtes nautes.

Ja auem avertit pendent es darrèri dies, qu'eth pronostic entad aguesta dimenjada ère pro incèrt. Ara fin eth nuclèu dera borrasca va a hèr un recorregut en tot seguir era còsta mediterranèa des d'Andalucía enquia Catalunya, çò que va a provocar qu'era Val d'Aran demore just en limit des precipitacions e dera entrada d'aire heired. Pendent era jornada d'aué seram afectadi per vents de Autan. Es precipitacions e nheuades seràn abondiues ar oèst dera Val d'Aran, en Aragon, Hautes Pyrénées e Navarra. De totes formes calerà èster atent pr'amor que poderie auer quauqua suspresa, donques qu'es diferents modèls meteorologics diferisen entre eri.

Aué diuendres 6 de gèr serà ua jornada embromada, encara que se poderie daurir quauque clar. Se produsiràn bères precipitacions fèbles e intermitentes qu'a darrères ores poderien èster puntuauments moderades. Còta de nhèu entre es 1500 e es 1700 m. Acumulacions de 10 a 15 cm en Baqueira.
Vents fèbles de sud-èst e èst.
Temperatures fresques sense masa variacion ath long dera jornada (3°/5° en hons de Val; -2°/0° en còta 2.000).

Eth dimenge seguiram tamb cèus pro cobèrts, encara que se poderien daurir quauqui clari, sustot pendent eth maitin. Se pòden produsir precipitacions entre fèbles e moderades que serien mès probables pera tarde. Còta de nhèu ath torn des 1600 m.
Temperatures en leugèr ascens respecte ara jornada anteriora (3°/8° en hons de Val; -2°/0° en còta 2.000).

Eth deluns salternaràn bromes nautes tamb clari. Descenuda des temperatures minimes (-2°/7° en hons de Val; -4°/-2° en còta 2.000).