24/1/18

Dimèrcles de primauera, dijaus net e diuendres iuernaus

Aué dimèrcles 24 de gèr, auram un maitin tamb solei entelat per quauques bromes nautes. A compdar de meddia era nivolositat se harà un shinhau mès compacta. Vents fèbles damb quauques bohades moderades de sud-oest.
Temperatures doces entara epòca (2°/19° en Vielha; 1°/5° en còta 2.000). En Les e Bossòst se poderien arribar a superar es 20°.

Eth dijaus 25, pendent eth maitin auram nivolositat abondiua de tipe nauta e mieja, encara que se poderie daurir quauqui clari. Pera tarde aumentarà era nivolositat e se produsiràn precipitacions fèbles  en tot enfortilhar-se pendent era net. Còta de nhèu iniciau enes 1.600 m en tot descéner rapidaments cap as 800 m. Celhs de 15 a 20 cm en còtes nautes de Baqueira. Vents de sud-oest en tot virar ath nòrd-oest a darrères ores.
Acusada descenuda des temperatures diürnes (1°/9° en hons de Val; -2°/-1° en còta 2.000).

Eth diuendres serà embromat tamb precipitacions moderades pendent era maitiada e fèbles pendent era jornada; encara qu'a darrères ores se poderien refortilhar leugèraments. Còta de nhèu sus es 600 m. Acumulacions de 15 a 20 cm en còtes nautes.
Es temperatures contunharàn en descenuda (0°/6° en hons de Val; -7°/-4° en còta 2.000).

Semble qu'eth dissabte contunharam damb cèus caperadi e quauques precipitacions fèbles, encara que pera tarde ja se dauririen quauqui clari. Atencion ath dimenge qué poderie èster eth melhor dia d'esquí de çò qu'amiam de sason. Ac confirmaram En pròplèus bulletins.