Dimèrcles radiant; dijaus damb nheuades.

Aué dimèrcles 31 de gèr, gaudiram deth quatau e darrèr dia de solei radiant ena Val d'Aran.
Temperatures minimes heiredes; agradables ena part centrau deth dia (-1°/14° en hons de Val; -4°/2° en còta 2.000).

Eth dijaus 1 de hereuèr, serà ua jornada embromada damb precipitacions moderades pendent eth maitin e fèbles pera tarde. Còta de nhèu enes 1100 m a prumères ores en tot descéner enquias 600 m pera tarde. Acumulacions de 20 a 25 cm en còtes nautes.
Vents de nòrd damb quauqua bohada moderada.
Acusada descenuda des temperatures diürnes que se haràn mès heiredes a mesura qu'auance eth dia (0°/5° en hons de Val; -8°/-4° en còta 2.000).

Eth diuendres s'alternaràn bromes damb quauqui clari. Se poderàn produsir bères precipitacions, qu'en principi seràn fèbles, encara que pas s'escarte que se intensifiquen puntuauments. Es precipitacions seràn de nhèu en totes es còtes. Acumulacions de 5 a 10 cm en còtes nautes de Baqueira.
Temperatures nocturnes en notabla descenuda (-4°/4° en hons de Val; -10°/-8° en còta 2.000).