Dissabte un shinhau embromat, dimenge damb quauques nheuades.

Aué dissabte 13 de gèr, auram un maitin pro assolelhat encara que damb quauqui intervaus de bromes nautes e mieges. A mesura qu'auance era tarde era nivolositat anarà en aumentacion e era net serà pro embromada. Vents fèbles de sud e sud-oest damb quauqua bohada moderada.
Temperatures nocturnes heiredes, maximales leugeraments mès doces (-2°/12° en hons de Val; -7°/-2° en còta 2.000).

Eth dimenge 14 serà ua jornada fòrça embromada damb precipitacions fèbles e intermitentes, qu'en quauqui moments seràn moderades, sustot pera tarde. Còta de nhèu en tot oscillar entre es 900 e 1100 m acumulacions de 10 a 20 cm en còtes nautes. Vents fèbles de nòrd.
Temperatures diürnes en descenuda (0°/7° en hons de Val; -5°/-4° en còta 2.000).

Eth deluns serà pro assolelhat damb quauqui intervaus de bromalhs isoladi.
Temperatures sense massa cambis (-1°/9° en hons de Val; -5°/-2° en còta 2.000).