18/2/18

Cambi de darrèra ora ena prevision entath dimenge.

Era prediccion entad aguest dimenge e deluns ena Val d'Aran, a cambiat substanciauments enes darrères ores, per açò tostemp vos aconselham de seguir cada dia es prediccions.

Aué dimenge 18 de hereuèr auram un maitin pro assolelhat damb alternancia de quauques bromes nautes. A compdar de meddia aumentarà era nivolositat; a mieja tarde e pendent era net se produsiràn precipitacions entre fèbles e moderades damb còta de nhèu sus es 1400 m e acumulacions de 10 a 15 cm en Baqueira 2500.
Vents deth nòrd damb quauqua bohada moderada en zònes nautes e exposades.
Temperatures normaus entara epòca (0°/8° en hons de Val, -8°/-2° en còta 2.000).

Eth deluns 19, serà pro embromat damb precipitacions fèbles e intermitentes, encara qu'ena part centrau deth dia poderien èster puntuauments moderades. Còta de nhèu entre es 1400 e es 1700 m. Celhs de nhèu naua de 10 a 15 cm en còtes nautes. Vents deth sud-oest.
Temperatures en ascens, mès apreciable en zònes nautes (2°/9° en hons de Val; -3°/-1°en còta 2.000).

Eth dimars 20 seguiram damb cèus caperadi damb precipitacions fèbles e intermitentes, encara qu'en cèrti moments seràn moderades. Còta de nhèu entre es 1300 e es 1500 m. Acumulacions de 10 a 15 cm en còtes nautes. Vents moderadi deth nòrd-oest damb quauqua bohada fòrta.
Temperatura similara ara jornada anteriora (2°/8° en hons de Val; -3°/-1° en còta 2.000).