Deluns embromat damb quauques nheuades en còtes mieges. Atencion ath dimars.

Es precipitacions d'ager sigueren dera intensitat prevista, mès era còta siguec mès baisha de çò de demorat e deishèren uns 5 cm en Vielha, 19 cm Sasseuva e uns 15 cm en Pòrt dera Bonaigua.

Aué deluns 19 de hereuèr serà ua jornada pro caperada damb precipitacions intermitentes, qu'en principi seràn fèbles encara que puntuauments poderien èster moderades, sus tot a darrères ores.
Còta de nhèu en tot oscillar entre es 1300 e 1500 m, encara que pas s'escarte, que coma era jornada d'ager, baishe esporadicaments a còtes mès baishes. Acumulacions de 15 a 20 cm en còtes nautes.
Vents fèbles de direccion nòrd damb quauques bohades moderades.
Temperatures abituaus entara epòca (0°/7° en hons de Val, -4°/-1° en còta 2.000).

Eth dimars serà d'auta jornada embromada, damb precipitacions entre moderades e intenses. Còta de nhèu sus es 1400 m en tot descéner pera net cap as 900 m. Acumulacions importantes en còtes nautes que poderien superar es 40 e dilhèu es 50 cm.
Vents fòrti de nòrd-oest en tot refortilhar-se pera tarde.
Temperatures minimes en leugèr ascens (3°/7° en hons de Val; -3°/-1° en còta 2.000).

Eth dimèrcles peth maitin seguiram damb cèus corbidi e precipitacions moderades, damb còta de nhèu sus es 700 m. Pera tarde se dauriràn clari. Celhs de nhèu naua de 15 a 20 cm.
Vents moderadi deth nòrd-oest.
Temperatures en descenuda (0°/4° en hons de Val; -9°/-7° en còta 2.000).