12/2/18

Deluns iuernau e ascens de temperatures a compdar deth dimars.

Aué deluns 12 de hereuèr, serà ua jornada pro embromada, damb precipitacions fèbles e intermitentes que serien de nhèu en totes es còtes. A darrères ores se dauriràn quauqui clari en tot desapareisèr es nheuades. Era net serà serena. Acumulacions de 5 a 10 cm en còtes nautes.
Vents moderadi deth nòrd damb quauqua seguida fòrta en zònes nautes.
Temperatures baishes e en descenuda ath long deth dia (-1°/4° en hons de Val, -10°/-7° en còta 2.000).

Eth dimars auram ua maitiada e prumères ores deth maitin damb cèus sereni. A mesura qu'auance eth maitin e sustot pera tarde aumentarà era nivolositat e se produsiràn quauques precipitacions fèbles, encara que puntuauments moderades. Còta de nhèu ath torn des 700 m acumulacions de 10 a 15 cm en zònes nautes. Vents fèbles deth sud-oest.
Era maitiada serà fòrça heireda e pendent eth dia es temperatures se recuperaràn (-7°/5° en hons de Val; -15°/-5° en còta 2.000).

Eth dimèrcles serà fòrça embromat damb precipitacions fèbles e intermitentes enquia meddia e moderades pendent era tarde e net. Còta de nhèu que començarà enes 700 m pendent era maitiada en tot pujar cap as 1900 m a mesura qu'auance era jornada. Acumulacions de 15 a 20 cm en zònes nautes.
Temperatures en ascens (-1°/9° en hons de Val; -6°/1° en còta 2.000).