10/2/18

Dimenjada inestable en Aran

Aué dissabte 10 de hereuèr, auram un maitin damb bromes baishes e quauques nheuades fèbles, pas s'escarte qu'apunte en quauque moment eth solei. Pera tarde contunharam damb nivolositat abondiua encara que se dauriràn quauqui clari mès; es precipitacions anaràn en tot aloishar. Acumulacions de 5 a 10 cm en còtes nautes de Baqueira.
Vents moderadi de nòrd damb quauqua bohada fòrta sustot en zònes nautes.
Temperatures heiredes (-3°/4° en hons de Val; -14°/-10° en còta 2.000).

Eth dimenge 11 serà fòrça caperat damb precipitacions que començaràn de forma fèbla pendent era maitiada, damb còta 800. Pendent eth maitin e era tarde, era còta pujarà rapidaments cap as 1800 m e es borrats se tornaràn moderadi e enclús puntuauments intensi. Pera net tornarà a descéner era còta de nhèu cap as 700 m e es precipitacions se haràn mès fèbles. Acumulacions de 20 a 30 cm en Baqueira 2500.
Vents de nòrd-oest fèbles encara que damb quauqua bohada moderada en zònes anautites.
Temperatures minimes sense cambis e diürnes en brusc ascens (-3°/8° en hons de Val, -11°/0° en còta 2.000).

Eth deluns 12 seguiram damb nivolositat abondiua pendent era maitiada e eth maitin damb precipitacions entre fèbles e moderades e que serien de nhèu en totes es còtes. Pera tarde se dauriràn quauqui clari. Acumulacions de 10 a 15 cm en còtes nautes dera Val d'Aran. Vents de nòrd moderadi damb quauqua bohada fòrta.
Temperatures que desceneràn ath long dera jornada (-2°/4° en hons de Val; -13°/-4° en còta 2.000).