Dimenje tamb nheuades en còtes mieges e nautes.

Aué dimenge 11 de hereuèr, serà ua jornada embromada damb precipitacions pro contínues que començaràn de forma fèbla pendent era maitiada, damb còta sus es 800 m. Pendent eth maitin e era tarde, era còta pujarà rapidaments cap as 1800 m e es plojats se tornaràn moderadi. Pera net tornarà a descéner era còta de nhèu cap as 700 m e es precipitacions se haràn mès fèbles. Acumulacions de 20 a 30 cm en Còta 2.500.
Vents de nòrd-oest damb quauqua bohada moderada en zònes nautes.
Temperatures minimes heiredes, diürnes en brusc ascens (-3°/9° en hons de Val, -10°/0° en còta 2.000).

Eth deluns 12, pendent era maitiada e eth maitin, seguiram damb nivolositat abondiua e damb nheuades fèbles en totes es còtes. Pera tarde se dauriràn clari,. Acumulacions de 10 a 15 cm en còtes nautes dera Val d'Aran. Aire de nòrd moderat damb quauqua bohada fòrta.
Temperatures que desceneràn ath long dera jornada (-2°/4° en hons de Val; -13°/-6° en còta 2.000).

Eth dimars auram cèus sereni pendent era maitiada e prumères ores deth maitin. Era rèsta dera jornada serà embromada damb quauques precipitacions fèbles e intermitentes e còta de nhèu sus es 700 m.
Temperatures minimes fòrça heiredes, maximales similares ara jornada anteriora (-7º/4º en hons de val, -16º/-5º en còta 2.000).