14/2/18

Dimèrcles damb nheuades en còtes nautes.

Aué dimèrcles 14 de hereuèr, serà ua jornada dam cèus caperadis e damb precipitacions fèbles pendent era maitiada e eth maitin tamb còta de nhèu en tot pujar des 700 m cap as 1.800 m. Pera tarde e net es precipitacions seràn moderades e puntuauments intenses; era còta de nhèu se mantierà entre es 1800 e es 2000 m. Acumulacions de 15 a 20 cm en còtes nautes. Vents fèbles der oèst e sud-oest pendent eth dia damb quauques bohades moderades a prumères ores dera net.
Temperatures en ascens respecte as darrèri dies (0°/9° en hons de Val; -8°/1° en còta 2.000).

Eth dijaus 15 de maitiada, encara se mantieràn quauques precipitacions damb còta de nhèu sus es 2100 m. Pendent eth maitin e pera tarde apareisheràn quauqui clari alternats damb bromes nautes e quauques bromes baishes. Vents loishi deth sud-oest.
Temperatures quasi primaveraus (3°/17° en hons de Val; 1°/3° en còta 2.000).

Eth diuendres 16 auram cèus corbidi per bromes nautes e mieges qu'en quauque moment deisharàn entreveir eth disc solar. A darrères ores se poderie produsir quauqua precipitacion, damb còta de nhèu sus es 2100 m. Vents deth sud-oest damb quauqua bohada moderada.
Temperatures diürnes leugèraments en descenuda (3°/14° en hons de Val; 0°/2° en còta 2.000).