Dimèrcles damb quauques nheuades, rèsta de setmana assolelhada.

Aué dimèrcles 21 de hereuèr, auram un maitin caperat, damb quauques nheuades fèbles puntuauments moderades. A compdar de meddia, se dauriràn quauqui clari alternats damb bromes que poderien deishar bèra fòrça fèbla nheuada, sustot a darrères ores. Acumulacions d'uns 10 cm en còtes nautes. Vents moderadi de direccion nòrd.
Temperatures que desceneràn ath long dera jornada e que mos deisharàn ua net pro heireda (0°/5° en hons de Val; -7°/-4° en còta 2.000).

Eth dijaus 22, serà ua jornada damb cèus pro sereni, encara que damb quauques bromes escampilhades. Vents fèbles deth nòrd.
Temperatures nocturnes en descenuda (-4°/4° en hons de Val; -14°/-8° en còta 2.000).

Eth diuendres 23 serà un dia esplendidaments assolelhat, damb vents en cauma e temperatures minimes un shinhau mès baishes qu'era jornada anteriora (-5°/4° en hons de Val; -15°/-6° en còta 2.000).

Semble qu'era dimenjada va a èster ua des melhors dera sason, vos ac sajaram de confirmar en següents bulletins