Dissabte embromat e damb quauques precipitacions. Dimenge pro assolelhat

Aué dissabte 17 de hereuèr, auram un maitin caperat, damb precipitacions entre fèbles e moderades e còta de nhèu sus es 1800 m. Pera tarde es precipitacions seràn mès fèbles e intermitentes, en tot descéner era còta cap as 1200 m e en tot daurir-se quauque clar esporadic. A darrères ores es precipitacions desapareisheràn e pendent era net s'alternaràn bromes e clari. Acumulacions de 10 a 15 cm en Baqueira 2500.
Vents fèbles deth nòrd damb quauqua bohada moderada.
Temperatures en descenuda, que serà mès apreciable a darrères ores (3°/9° en hons de Val; -3°/0° en còta 2.000).

Eth dimenge 18 serà pro assolelhat encara que damb quauques bromes baishes, escampilhades e trucades as vessants. Vents loishi deth nòrd damb quauqua bohada moderada.
Temperatures mès baishes qu'era jornada anteriora, sustot en zònes nautes (-1°/8°en hons de Val; -7°/-4° en còta 2.000).

Eth deluns 19 serà pro assolelhat, encara qu'a darrères ores aumentarà era nivolositat e se poderie produsir quauque plojat damb còta de nhèu sus es 1.200 m.
Temperatura similara (0°/9° en hons de Val; -8°/-3° en còta 2.000).