16/2/18

Diuendres un shinhau caperat, dissabte damb precipitacions e dimenge pro assolelhat

Eth diuendres 16 de hereuèr, serà ua jornada damb quauques bromes, principauments nautes que embaranaràn eth solei en tot deishar veir eth disc solar, encara qu'en quauqui moments l'arribaràn a corbir totauments. Pas s'escarte quauqua fòrça fèbla precipitacion damb còta de nhèu sus es 2.200 m. Vents fèbles deth sud-oest.
Temperatures doces entara epòca (3°/14° en hons de Val, 0°/3° en còta 2.000).

Eth dissabte 17 serà ua jornada embromada. Precipitacions moderades pendent eth maitin damb còta de nhèu ath torn des 1800 m. Pera tarde es plojats se tornaràn mès fèbles e intermitenti e era còta descenerà cap as 1000 m. Pera net es precipitacions desapareisheràn. Acumulacions d'uns 15 cm en Cap de Baqueira. Vents de nòrd fèbles pendent eth maitin e moderadi pera tarde.
Temperatures diürnes en descenuda (4°/7° en hons de Val; -2°/0° en Beret).

Eth dimenge 18 serà pro assolelhat, encara que damb quauques bromes baishes pendent era maitiada e prumères ores e intervaus de bromalhs nauti e escampilhats eth rèste dera jornada. Vents deth nòrd damb quauqua bohada moderada, sustot peth maitin.
Es temperatures contunharàn en descenuda (0°/7° en hons de Val; -7°/-4° en Baqueira 1.800).