Dus dies de temperatures doces en Aran

Aué dijaus 15 de hereuèr, serà ua jornada damb alternancia de solei, damb quauques bromes nautes e bères bromes baishes escampilhades e trucades as vessants.
Temperatures doces damb maximales quasi primaveraus (2°/17° en hons de Val; 1°/3° en còta 2.000).

Eth diuendres 16 es bromes nautes seràn un shinhau mès compactes e embaranaràn eth cèu e en quauqui moments amagaràn eth solei.
Temperatures similares ara jornada anteriora (3°/15° en hons de Val; 0°/3° en còta 2.000).

Eth dissabte serà embromat damb precipitacions fèbles e intermitentes, encara que peth maitin poderien èster puntuauments moderades. Còta de nhèu sus es 2000 m, en tot descéner a darrères ores as 1600 m. Acumulacions d'uns 10 cm en Cap de Baqueira.
Temperatures maximales en leugèra descenuda (3°/10° en hons de Val; 0°/1° en còta 2.000).