22/3/18

Dijaus assolelhat e heired.

Aué dijaus 22 de març, serà ua jornada assolelhada damb quauque bromalh naut meraments decoratiu. Vents moderadi de nòrd damb quauqua bohada fòrta pendent eth maitin, qu'incrementarà era sensacion de heired.
Temperatures minimes heiredes e diürnes en leugèr ascens (-4°/8° en hons de Val; -12°/-5° en còta 2.000).

Eth diuendres 23, auram un maitin damb clari e quauqui intervaus de bromes nautes e miegess. A compdar de meddia aumentarà era nivolositat e pendent era tarde e net se poderie produsir quauqua precipitacion fèbla damb còta de nhèu ath torn des 1800 m. Vents fèbles damb bèra bohada moderada de nòrd.
Temperatures minimes sense massa cambis e leugèr ascens des maximales (-2°/10° en hons de Val; -10°/0° en còta 2.000).

Eth dissabte serà pro embromat damb precipitacions moderades pendent era maitiada e fèbles e intermitentes pendent era jornada. Còta de nhèu enes 1.500 m en tot descéner puntuauments cap as 700 m. Acumulacions de 15 a 20 cm en còtes nautes de Baqueira.
Ascens des temperatures minimes (2°/9° en hons de Val; -5°/-1° en còta 2.000).