Dimars e dimèrcles iuernaus. Bones perspectives entath Dijaus.

Aué dimars 20 de març, auram un maitin damb nivolositat abondiua e nheuades fèbles, puntuauments moderades. Pera tarde era nivolositat serà de tipe baish e de retencion; pas s'escarte que se daurisque quauque clar esporadic, principauments près des cims; nheuades fèbles e mès o mens contínues en totes es còtes. Pendent era jornada se poderien acumular de 10 a 15 cm en còtes nautes.
Vents moderadi de nòrd e nord-oest damb quauques bohades fòrtes en extrèm sud e èst.
Temperatures pròpries deth mes de gèr (-2°/3° en hons de Val; -11°/-7° en còta 2.000).

Eth dimèrcles 21, pendent eth maitin contunharam damb bromes retengudes. Ath torn deth meddia se pòden daurir quauqui clari e a darrères ores tornarà a aumentar era nivolositat que desapareisherà pendent era maitiada. Se produsiràn quauques nheuades fèbles e intermitentes ath long dera jornada.
Acumulacions de 5 a 10 cm en zònes anautites.
Vents moderadi damb quauques bohades fòrtes principaumens deth nòrd.
Es temperatures contunharàn en tot èster pleaments iuernaus (-2°/4° en hons de Val; -11°/-8° en còta 2.000).

Eth dijaus 22, semble que va a èster un des melhors dies d'esquí dera sason, damb cèus majoritàriaments sereni. Vents que seràn moderadi a prumères ores, en tot aloishar a mesura qu'auance era jornada.
Temperatures minimes en tot tocar hons e leugèra pujada des maximales (-4°/6° en hons de Val; -14°/-4° en còta 2.000).