Dimars embromat e solei entath dimèrcles.

Aué Dimars 27 de març, serà ua jornada pro embromada damb precipitacions fèbles e intermitentes, que desapareisheràn a darrèra ora. Còta de nhèu entre es 2.000 m e es 2.300 m.
Vents deth nòrd-oest damb quauques bohades moderades.
Temperatures diürnes en ascens respecte a jornades anteriores (0°/12° en hons de Val; -7°/2° en còta 2.000).

Eth dimèrcles 28, serà pro assolelhat damb quauqui intervaus de bromes nautes e primes. A darrères ores apareisheràn quauques bromes baishes que poderien provocar bèra fèbla precipitacion.
Temperatures en ascens (4°/16° en hons de Val; -3°/5° en còta mieja).

Eth dijaus 29, tornarà a èster pro embromat damb quauques precipitacions fèbles e intermitentes e còta de nhèu sus es 1700 m. Vents fèbles deth sud-oest damb quauques bohades moderades.
Leugèra descenuda des temperatures diürnes (4°/11° en hons de Val; -3°/2° en còta mieja).

Eth diuendres 30, se celèbren es processions de Setmana Santa en Bossòst. Peth moment pas podem precisar massa, encara que semble que serà ua jornada inestable. Quauqui modèls indiquen qu'eth temps poderie respectar es processions deth maitin e dera net. Ac seguiram Ath long d'aguesti dies.