Dimenjada primauerau en Aran

Amiam ja diuèrses setmanes afectadi per fluxi deth Sud e Sud-oest e aguesta dimenjada va pas a èster ua excepcion. Era borrasca Félix non mos va pas a afectar dirèctaments mès òc que va a crear variabilitat, un shinhau d'inestabilitat e imprecision ena prediccion; en definitiva ua dimenjada primauerau ena Val d'Aran.

Eth diuendres 9 de març auram un maitin e ues prumères ores dera tarde pro assolelhadi damb quauqui intervaus de bromes nautes; ath ser aumentarà era nivolositat e a darrères ores se poderie produsir quauqua precipitacion damb còta de nhèu sus es 2300 m. Vents moderadi deth sud-oest damb quauques bohades fòrtes pera net.
Temperatures primaueraus (3°/19° en hons de Val; 0°/4° en còta 2.000).

Eth dissabte 10, pendent eth maitin e prumères ores dera tarde s'alternaràn bromes e clars, pas s'escarte quauqua fèbla precipitacion. A darrères ores aumentarà era nivolositat e existirà probabilitat de plojats damb còta de nhèu sus es 2000 m.
Vents moderadi deth sud-oest damb quauques bohades fòrtes sustot pera tarde.
Temperatures un shinhau mès nautes, sustot es minimes (9°/20° en hons de Val; 2°/5° en còta 2.000).

Eth dimenge 11, peth maitin predominaràn es clars alternats damb quauques bromes, damb çò  que semble que vam a poder celebrar era Còrsa dera Hemna en bones condicions. A compdar de meddia aumentarà era nivolositat e a darrères ores se poderie produsir quauque plojat. Es vents contunharàn moderadi deth sud-oest damb quauques bohades fòrtes en zònes nautes.
Leugèra descenuda de temperatures (5°/15° en hons de Val; -1°/1° en còta 2.000).

Coma vos auem ja comentat ena introduccion, i a cèrt grad de imprevisibilitad+t, damb çò que vos recomanam seguir pròplèus bulletins.