Dimenjada variabla ena Val d'Aran.

Aué Diuendres 23 de març, auram un maitin damb solei velat damb quauques bromes nautes. A compdar de meddia aumentarà era nivolositat e pendent era tarde se poderie produsir quauqua precipitacion de tipe fèble e intermitent e damb còta de nhèu sus es 1800 m. Vents de nòrd, fèbles damb quauqua bohada moderada.
Temperatures en ascens respecte a jornades anteriores (0°/10° en hons de Val; -8°/0° en còta 2.000).

Eth dissabte 24 serà pro embromat damb precipitacions entre moderades e intenses pendent era maitiada, moderades pendent eth maitin e fèbles e intermitentes pera tarde. Còta de nhèu ath torn des 800 m, en tot descéner puntuauments as 600 m. Acumulacions de 15 a 20 cm en còtes nautes. Vents de nòrd damb quauqua bohada fòrta pendent eth maitin.
Temperatures nocturnes en ascens e diürnes en leugèra descenuda (1°/8° en hons de Val; -5°/-2° en còta 2.000).

Eth dimenge 25, pendent eth maitin s'alternaràn bromes e clari a darrères ores aumentarà era nivolositat. Se poderie produsir quauqua precipitacion fèbla e intermitente damb còta de nhèu ath torn des 1.200 m. Vents fèbles deth nòrd.
Temperatures similars ara jornada anterior (0°/9° en hons de Val; -7°/-1° en còta 2.000).