Dimèrcles pro assolelhat, dijaus variable.

Aué dimèrcles 28 de març, serà ua jornada assolelhada damb quauqui intervaus de bromes nautes e primes. A darrères ores aumentarà era nivolositat e se poderie produsir quauqua precipitacion entre fèbla e moderada, damb còta de nhèu ath torn des 1700 m.
Vents fèbles der oèst damb quauqua bohada moderada a darrères ores en zònes nautes.
Temperatures abituaus entara epòca der an (5°/18° en Bossòst; -1°/5° en Beret).. 

Eth dijaus 29, auram nivolositat abondiua e quauques precipitacions puntuauments moderades pendent era maitiada, damb còta de nhèu ath torn des 1.700 m. Pendent era jornada s'alternaràn clari e bromes baishes e pas s'escarte quauqua fòrça fèbla precipitacion. Vents fèbles deth sud-oest.
Descenuda des temperatures diürnes (5°/12° en Bossòst; -2°/2° en Beret).

Eth diuendres 30 serà pro embromat, encara que se dauriràn quauqui clari pendent era jornada. Se demoren precipitacions intermitentes, entre fèbles e moderades damb còta de nhèu entre es 700 e es 1.000 m. Semble qu'es plojats respectaràn era procession deth maitin en Bossòst e probablaments era dera net, encara qu'en aguest cas es modèls divergissen, ac confirmaram en pròplèus bulletins.
Vents fèbles der Oèst.
Temperatures similares ara jornada anteriora (5°/12° en Bossòst; -3°/-1° en còta 2.000).