Dimèrcles variable, dijaus e diuendres peth maitin assolelhadi

Aué Dimèrcles 21 de març, auram ua jornada variabla damb bromes baishes pendent era maitiada e prumères ores deth maitin que provocaràn quauques nheuades fèbles. A compdar  de miei maitin e enquia mieja tarde se dauriràn quauqui clari. A darrères ores tornarà a aumentar era nivolositat e se produsiràn de nau quauques nheuades fèbles. 
Vents moderadi damb bèra bohada fòrta deth nòrd.
Temperatures pleaments iuernaus (-2°/4° en hons de Val; -11°/-8° en còta 2.000).

Eth dijaus 22, coma ja auancerem ager, va a èster un des melhors dies d'esquí dera sason donques que serà ua jornada assolelhada entà gaudir dera nhèu povàs des darrèri dies. Er unic inconvenient seràn es vents moderadi pendent eth maitin qu'incrementaràn era sensacion d'heired.
Temperatures en tot tocar hons (-4°/5° en hons de Val; -12°/-5° en còta 2.000).

Eth diuendres 23, peth maitin seguiram damb cèus sereni. Pera tarde aumentarà era nivolositat e a darrères ores se poderien produsir quauques precipitacions que s'intensificaràn pera net. Còta de nhèu sus es 1700 m en tot descéner pendent era maitiada as 700 m.
Vents fèbles de direccion oèst.
Temperatures en ascens sustot enes diürnes (-1°/11° en hons de Val; -10°/2° en còta 2.000).