14/3/18

Dimèrcles variable e cambis entath diuendres

Aué dimèrcles 14 de març, auram un maitin pro assolelhat. Pera tarde augmentaràn es bromes e a compdar de mieja tarde se produsiràn quauques precipitacions fèbles que pendent era net seràn moderades. Còta de nhèu ath torn des 1800 m. Acumulacions de 10 a 15 cm en còtes nautes. Vents moderadi damb quauqua bohada fòrta de direccion sud.
Temperatura similar a jornades anteriores (1°/16° en hons de Val; -3°/2° en còta 2.000).

Eth dijaus peth maitin s'alternaràn bromalhs e clari que seràn mès frequents ath torn de meddia. Pera tarde aumentarà era nivolositat e se produsiràn quauques precipitacions fèbles, damb còta de nhèu en tot descéner des 1.400 m as 1.000 m. Acumulacions d'uns 5 cm en Baqueira 2.500. Vents moderadi de sud pendent eth maitin.
Ascens des temperatures minimes (5°/15° en hons de Val; 0°/2° en còta mieja).

Eth diuendres serà pro caperat damb quauques precipitacions fèbles e intermitentes pendent eth maitin e moderades pera tarde. Còta de nhèu en tot oscillar entre es 1000 e es 800 m.
Descenuda des temperatures sustot es diürnes (3°/11° en hons de Val; -5°/-2° en còta mieja).