Dissabte damb quauques nheuades, dimenge assolelhat.

Aué dissabte 31 de març, auram un maitin pro embromat, damb nheuades entre fèbles e moderades peth dessús des 700 m. A compdar de meddia se dauriràn quauqui clari e es precipitacions seràn fèbles e intermitentes. Acumulacions d'uns 10 cm en Baqueira 2500.
Vents moderadi deth nòrd-oest damb bohades fòrtes pendent era tarde, sustot en zònes nautes.
Temperatures en descenuda respecte a jornades anteriores (2°/8° en hons de Val; -6°/-5° en còta 2.000).

Eth dimenge 1 d'abriu, eth maitin serà pro assolelhat damb quauques bromes nautes e primes que velaràn quauquarren eth solei. Pera tarde era nivolositat serà un shinhau mès destacabla.
Notable ascens des temperatures maximales (-1°/16° en hons de Val; -9°/4° en còta 2.000).

Eth deluns 2 auram nivolositat abondiua de tipe miei e naut. Vents moderadi de sud damb quauques bohades fòrtes pendent era tarde e net.
Temperatures primaueraus incrementades pera accion deth vent deth sud (6°/18° en hons de Val; -1°/6° en còta 2.000).