24/3/18

Dissabte iuernau en Aran, leugèra milhora entath dimenge.

Aué dissabte 24 de març, auram ua jornada pro embromada. Precipitacions entre fèbles e moderades pendent eth maitin. Pera tarde era intensitat des precipitacions amendrirà e se haràn intermitentes. Còta de nhèu en tot oscillar entre es 700 e 800 m. Acumulacions de 10 a 15 cm en còtes nautes. 
Vents moderadi de direccion nòrd.
Temperatures un shinhau heiredes entara epòca (0°/8° en hons de Val; -5°/-3° en còtes mieges).

Eth dimenge 25, seguiram damb nivolositat abondiua, encara que pendent es ores centraus dera jornada se dauriràn quauqui clari; pas s'escarte bèra fòrça fèbla precipitacion a prumères e darrères ores damb còta de nhèu ath torn des 900 m. 
Vents fèbles deth nòrd damb quauques bohades moderades.
Temperatura sense massa cambis (1°/9° en hons de Val; -5°/-2° en còta 2.000).

Eth deluns 26, s'alternaràn clari damb bromes baishes. Se pòden produsir quauques precipitacions fèbles e intermitentes damb còta de nhèu ath torn des 900 m.
Vents moderadi deth nòrd-oest.
Temperatures similares as jornades anteriores (2°/10° en hons de Val; -5°/-3° en Beret).